Myftiu i Kosovës, Naim Tërnava, ka uruar besimtarët katolikë për festën e Krishtlindjes.
Në mesazhin e urimit, Tërnava shkroi se ndonëse në pandemi festat gjithmonë shërbejnë për bashkim dhe solidaritet.
“Me rastin e festës së Kërshëndellave, më lejoni që me respekt t’ju drejtohem me mesazh urimi e përgëzimi Juve, meshtarëve, si dhe të gjithë vëllezërve të krishterë, duke ju dëshiruar shëndet, mbarësi e lumturi”.
“Megjithëqë, vit e kohë pandemie, fesat fetare te ne si gjithherë, e edhe me këtë rast paraqesin momentin e ndërgjegjësimi për bashkim, unitet, respekt, dashuri e solidaritet. Kërshëndella është moment i veçantë që simbolizon lindjen, jetën e mbarësinë. Po ashtu, kjo festë përçon në mënyrën më të mirë mesazhin e tolerancës, mbarësisë e humanizmit, vlera këto që na duhen për një të ardhme më të mirë për njerëzimin”.
Përmes letrës drejtuar Ipeshkvi Dodë Gjergji, Tërnava ka uruar edhe gjithë praninë ndërkombëtare katolike në Kosovë.