Sot, në Prishtinë u mbajt Kuvendi i V-të (pestë) Zgjedhor i “EKO Lëvizja e Gjelbër e Kosovës”, ku me këtë rastë janë zgjedhur strukturat e reja të kësaj lëvizje.
Kryetar është rizgjedhur, Arif Krasniqi, ndërsa nënkryetar u zgjodh prizrenasi, Blerim Saramati.
Lëvizja e Gjelbër, para të pranishmëve ka prezantuar planin katërvjeçar, ku thuhet:
Periudha e ardhshme katërvjeçare, padyshim që për ne dhe subjektet tjera politike nuk do të jetë kafshatë e lehtë. Kjo për të vetmën arsye sepse Kosova tani është në një udhëkryq bukur të madh, për faktin se për shtetëndërtimin dhe për shtetëformimin, jemi të bindur se kërkohet punë permannete, punë e kujdesshme dhe me një mençuri të veçant.
Tani Kosova ka obligimi bukur të mëdha ndaj BE-së, Kosovën nuk e kanë njohur edhe pesë shtete të BE-së, Kosova në vazhdimsi kërkon pranim dhe integrim në institucionet relevante botrore. Tani më ka bër kërkesën për pranim në BE, shpreson të kërkojë edhe antarsim në NATO.
Në fokus të vëmendjes sonë në vazhdimsi do të jenë edhe të gjitha segmentet mjedisore, si mbrojtja e natyrës dhe biodiversitetit, kontrolli i ndotjes industriale, menagjimi i ujrave, pyjeve, mbeturinave, rehabilitimi i zonave të ndotura, planifikimi hapsinor, adaptimi ndaj ndryshimeve klimatike etj.
Do ti mbështesim politikat dhe masat për të përmirsuar cilësin e ajrit, ujit dhe tokës, do t’i inkurajojmë qytetarët për t’i përdorur më pakë automjete dhe mjetet tjera të cilat shkaktojnë gazra helmuese dhe do të anagazhohemi për miratimin e politikave më aktive dhe afatgjate që do të ndikojnë në përmirsimin e e situatës në fushën ekologjike dhe mjedisit, thuhet në planprogramin e Partisë “EKO Lëvizja e Gjelbër e Kosovës”.
Ndryshe, kjo lëvizje pritet që së shpejti t’i ketë strukturat e saj edhe në Prizren.
