Ministria e Bujqësisë, Pylltarisë dhe Zhvillimit Rural me datë 26 prill të këtij viti ka hapur periudhën për aplikim për pagesa direkte/subvencione për fermerët vendor të cilët do të mbështeten për disa kultura dhe aktivitete bujqësore dhe blegtorale përmes Programit për Pagesa Direkte 2022.
Deri sot, për mbështetje në kuadër të këtij programi kanë aplikuar gjithsej 25,137 aplikues.
Kështu bëjnë të ditur nga Ministria e Bujqësisë, Pylltarisë dhe Zhvillimit Rural në një përgjigje për Indeksonline.
Ata njoftojnë se afati për aplikim për pagesa direkte/subvencione për vitin 2022 është zgjatur deri më 01 qershor 2022 ora 16:00.
“Theksojmë se interesimi për të aplikuar në kuadër të Programit për Pagesa Direkte/Subvencione 2022 është i madh dhe MBPZhR-ja ka vendosur që ta zgjasë afatin për aplikim për pagesa direkte – subvencione për vitin 2022 deri më 01 qershor 2022 ora 16:00”, thuhet në përgjigje.