Ministri i Punëve të Jashtme dhe Diasporës Donika Gërvalla, po qëndron për një vizitë zyrtare në Bruksel, ku do të marrë pjesë në takimin e ministrave të Jashtëm të Ballkanit Perëndimor.
Në këtë takim do të marrë pjesë edhe ministri i Jashtëm i Ukrainës Dmytro Kuleba.
Temë të këtij organizimi do të jenë zhvillimet e fundit në Ukrainë.
“Ministrja Gërvalla merr pjesë sot në takimin e Ministrave të Jashtëm të Ballkanit Perëndimor. Zëvendëskryeministrja dhe Ministrja e Punëve të Jashtme dhe Diasporës, znj. Donika Gërvalla, po qëndron për vizitë zyrtare në Bruksel për të marrë pjesë në një drekë pune, me ftesë të Përfaqësuesit të Lartë të BE-së për Politikë të Jashtme dhe Siguri z. Josep Borrell”, njofton MPJD.
“Në takim do të marrin pjesë 27 ministrat e jashtëm të shteteve antare të BE-së, bashkë me ministrat e Jashtëm të Ballkanit Perëndimor si dhe Ministri i Jashtëm i Ukrainës z. Dmytro Kuleba.Në takim, tema diskutimi do të jenë çështjet e zhvillimeve të fundit në Ukrainë dhe ndikimi i tyre në politikat e sigurisë së shteteve të BE-së dhe rajonit tonë”.