Anëtari i Lidhjes Demokratike të Kosovës, Bajram Gecaj, e ka quajtur ushtruesen e detyrës së presidentit, Vjosa Osmanin, si ‘dhelpër të vetmuar’, pas vizitës që kjo e fundit ka realizuar për tri ditë radhazi në Shqipëri.
Gecaj ka rikujtuar vizitën që kishte bërë kryeministri Avdullah Hoti, dhe sipas tij ajo ishte për të ruajtur seriozitetin e shtetit të Kosovës.
“Pak kohë më parë Shqipërinë e vizitoi kryeministri i LDK Abdullah Hoti, i cili ka bërë vizitën më serioze të një kryeministri të Kosovës në Shqipëri, pa u përdorur nga askush, duke i takuar të gjithë dhe duke ruajtur seriozitetin e shtetit të Kosovës.” M.B.… Kryeministri Hoti funksionon në ekip, e jo si “dhelpër e vetmuar”!”, ka shkruar Gecaj./FrontOnline/
