IndeksOnline sot gjatë ditës ka publikuar një hulumtim, i cili zbulon se si ambulancat e shtetit furnizohen me oksigjen industrial nëpër kompani të palicensuara, më konkretisht tek operatori “Shala GT”.
Lidhur me këtë çështje, është pyetur edhe i pari i ministrisë së shëndetësisë, Armend Zemaj.
Sipas tij, në këtë kohë pandemie nuk duhet të krijohen hipoteza.
“Në kohë pandemie ne duhet të bashkohemi dhe ta luftojmë armikun e përbashkët, është kohë pandemie globale, duhet të kemi një lloj bashkëpunimi reciprok në luftimin e pandemisë, kjo është një lutje për të gjithë ju, edhe për oponentët politikë, që të mos krijojnë hipoteza se gjendja në Kosovë është alarmante, kjo nuk është e vërtetë, me këto kapacitete që ka Kosova me miqtë ndërkombëtarë, ne po e përballojmë situatën, nuk merremi me hipoteza”, u shpreh Zemaj para mediave, transmeton IndeksOnline.
“Edhe ne jemi garancë vetëm me ligjin, jo garancë e zhvillimeve tjera, të kemi adresim të qartë, një llojë bashkëpunimi reciprok në luftimin e pandemisë, e jo të krijohen hipoteza sepse gjendja është alarmante”, shtoi tutje ai.
“Për raste specifike, të gjitha duhet të adresohen në institucionet përgjegjëse, vetëm nëse vërtetohen nga organet kompetente atëhere do të marrim përgjegjësi”, përfundoi ai.
