Deputetja e Kuvendit të Kosovës Duda Balje është shprehur e lumtur që ka kaluar amendamenti i saj për blerjen e një aparature për repartin e Onkologjisë në QKUK.
“Shumë herë kemi pasur takime, kemi vizituar repartin e Onkologjisë. Këtu ka lindur ideja sepse jam anëtare e Komisionit për Buxhet dhe Financa. 1.8 milion euro nuk është vlerë e vogël, mirëpo amendamenti e ka marrë mbështetjen”.
Balje ka folur edhe për fjalimin e fundvitit të presidentes Vjosa Osmani.
Ajo e ka vlerësuar si konstruktiv fjalimin nga ana e presidentes.
“Ne e kemi përcjellë punën e presidentes dhe i kemi ditur disa pika nga raporti. Jam krenare sepse Osmani po e bën punën që duhet për ta përfaqësuar shtetin”.
“Jam e lumtur për seancën e sotme sepse kanë kaluar amendamente të rëndësishme”, ka vazhduar ajo më tutje.
