Komuna e Prizrenit në faqen e saj zyrtare ka njoftuar se Kuvendi i të Rinjve të Prizrenit në bashkëpunim me Drejtorinë për Kulturë, Rini dhe Sport, për nder të 28 Nëntorit do të organizojë një aktivitet me të rinjtë e komunës së Prizrenit dhe për këtë shpall konkurs për pranimin e poezive, eseve dhe fotografive me tematikë atdhetare-kombëtare, ku 3 vendeve më të mira do t’u ndahen mirënjohje nga DKRS si:
1. Poezia më e mirë
2. Eseja më e mirë
3. Fotografia më e mirë.
Materialet duhet të dërgohen në e-mailin: [email protected] deri më datën 27 nëntor, në ora 12:00.
Prezantimi i tyre në mënyrë fizike do të bëhet nga vet autorët, me datën 28 nëntor, në një performancë artistike, me anë të platformës online Zoom.
(Punimet duhet të jenë origjinale të vet autorëve që do të prezantohen).
