Regjisori i filmit Arun Chaudhary, që kishte ndihmuar edhe fushatën e Albin Kurtit dhe Vetëvendosjes në vitin 2019, i është kundërpërgjigjur ish përfaqësuesit të posaçëm të SHBA-së për dialogun Kosovë – Serbi, Richard Grenell.
Grenell e ka kritikuar Kurtin duke e quajtur antiamerikan dhe ka thënë se presidenti i SHBA-së, Joe Biden, duhet ta ndalë atë.
“Hej Richard Grenell, ky amerikan është krenar që punon me Albin Kurtin dhe Vetëvendosjen. Aleanca jonë e palëkundshme, e bazuar në liri dhe vetëvendosje, i mbijetoi diplomacisë së pamatur të detyrimit që ndihmuat për Donald Trumpin, kështu që …të lutem ndal”, ka reaguar Chaudhary në Twitter.
Chaudhary ishte pjesë e fushatës së Barack Obamas të vitit 2008, kur ai i fitoi zgjedhjet në SHBA, ndërsa ishte pjesë edhe e fushatës së Bernie Sandersit në vitin 2016 de kishte qenë i punësuar në Shtëpinë e Bardhë nga viti 2009 deri në vitin 2011.