Nesër bëhet rinumërimi i 2 vendvotimeve në Prizren

Nga Qendra e Numërimit dhe Rezultateve është njoftuar se nëser do të bëhet rinumërimi i 12 vendvotimeve sipas vendimit të KQZ-së.

QNR-ja kishte rekomanduar në Komisionin Qendror të Zgjedhjeve që të rinumërohen 12 vendvotime në të gjithë Kosovën, ndërsa dy nga ta në Prizren, rekomandim që u aprovua nga KQZ-ja.

Nga QNR-ja është njoftuar se më 19 shkurt do të bëhet rinumërimi dhe fillon nga ora 08:30, ndërsa do të jenë 16 vëzhgues për një subjekt politik që do të lejohen të vëzhgojnë.