Federata e Peshkatarisë së Kosovës, më 21.04.2025, ditë e hënë, zhvilloi një aksion kundër peshkimit ilegal në Vermicë.
Milaim Vitia, kryetar i Federatës së Peshkatarëve, tregoi se aksioni nisi në orët e mëngjesit, pas informacionit se ishin vendosur 10 rrjeta ilegale.
“Me datën 21.04.2025 rreth orës 5:40 mëngjesit e deri në orën 15:20 minuta kemi kryer një aksion për kapjen e rrjetave ilegale të peshkimit ku nga dje kem ndalesën e peshkimit për Krap. Në orët e mëngjesit kemi marr një telefonat nga disa persona se janë vendosur 10 rrjeta me gjatësi 30 metra deri në 50 metra.” – tha Vitia.
Vitia bëri thirrje që peshkimi ilegal të ndalohet, teksa njoftoi se kanë arritur t’i lirojnë peshqit e kapur nga rrjetat.
“Pas informatës kryetari i FPSRK ka ngrit kapacitetin e rojeve dhe janë nisur në drejtim të Ura e Gjonajt dhe në Vermicë, pasi kemi arrit në vendin e ngjarjes tek ura kemi njoftuar Policinë e Kosovës të asistojnë dhe kem arritur konfiskimin e rrjetave dhe kemi filluar në Vermicë, ku rreth 200 peshkatar disa me anëtarësi dhe disa pa anëtarësi kemi arritur t’i lirojmë të gjithë peshqit. Ju bëj thirrje të heqin dorë nga peshkimin ilegal sepse ne nuk zbrazemi dot.”- shtoi Milaim Vitia, kryetari i Federatës së Peshkatarëve në nivel të Kosovës./kallxo.com/