Proteina C reaktive, apo siç njihet CRP është një nga analizat që shpeshherë kërkohet nga mjekët e që na alarmon kur është e lartë.
Specialistja e mikrobiologjisë, Afërdita Kuqi Hyseni në podcastin “Shëndeti në rend të parë” ka folur lidhur me këtë analizë.
“CRP, apo Proteina C Reaktive është një proteinë që prodhohet në mëlçi dhe lirohet në gjak. CRP e lartë na alarmon për një gjendje jo të mirë shëndetësore, ku realisht mund të kemi një infeksion akut, por mund të tregojë edhe për infeksionet kronike. Për infeksionet akute ne duhet të alarmohemi dhe mandej të shikojmë për parametrat tjerë. Gjithashtu të bëhet së pari një hemogram, pastaj sedimenti i eritrociteve.Hemogrami pastaj na orienton përafërsisht a kemi të një infeksion viral, bakterial apo ndonjë alergji të mundshme. Pastaj mjeku një bazë të shenjave klinike mjeku cakton analiza shtesë”, tha ajo.
Podcastin e plotë, ku doktoresha Kuqi flet për përdorimin e tepruar të antibiotikëve, strishot e fytit, hundës e veshëve, CRP, helikobakterin, e parazitët e myshqet në zorrë mund ta ndiqni në kanalin zyrtar të Telegrafit në YouTube. /Telegrafi/
Shëndeti në rend të parë: Intervistë me mikrobiologen Afërdita Kuqi – YouTube
Shëndeti në rend të parë: Intervistë me mikrobiologen Afërdita Kuqi – YouTube