Të dielen në “Sezai Surroi”, KB Proton Cable Prizreni është mposhtur me rezultat të thellë 80:96 nga KB Peja.
Peja e fitoi çerekun e parë 32:18, ndërsa Proton Cable Prizreni u kthye në lojë duke e fituar periudhën e dytë, 25:16.
Por, “verdhezinjtë” nuk lejuan befasi pas pushimit dhe i fituan edhe dy çerekët e fundit, 22:13 dhe 26:24, për fitoren e thellë.
Tristan Ikpe kishte statistikat më të mira te vendësit me 11 pikë, shtatë kërcime e katër asistime.
Listës së koshashënuesve i priu Tulio Da Silva që e mbylli ndeshjen me 20 pikë e pesë kërcime.
Ndërkohë, Dardan Berisha pati 13 pikë, tri kërcime e katër asistime.
Te Proton Cable Prizreni u dallua Kwame Vaughn me 23 pikë, pesë kërcime e dy asistime.
Peja me këtë fitore del në pozitën e tretë, me nëntë fitore e shtatë humbje dhe me 25 pikë në total, një më shumë se Sigal Prishtina e Vëlaznimi.
Proton Cable Prizreni i fundit tani ka katër fitore e 12 disfata, me 20 pikë gjithsej.