Gjatë ditëve të ardhshme pritet mot relativisht i vranët, ndërsa të enjten pritet të ketë edhe reshje shiu, e në vise të larta reshje bore.
Nga Instituti Hidrometeorologjik i Kosovës është njoftuar se reshjet do të përfshijnë gjithë territorin, duke rrezikuar disa zona të Dukagjinit nga vërshimet.
Të mërkurën do të mbajë mot i vranët dhe me intervale me diel. Temperaturat minimale do të lëvizin mes 3-4 gradë Celsius, e ato maksimale mes 11-13 gradë Celsius.
“Të enjten parashihet që vendi ynë të ndikohet nga masat e lagështa të ajrit duke krijuar kushte për vranësira të dendura të cilat do ti takojnë stadit të ulët dhe të mesëm të Troposferës. Kjo situatë e krijuar meteorologjike do të krijoj kushte që të kemi reshje shiu, kurse në viset e larta reshje bore. Reshjet do të përfshijnë gjithë territorin duke rrezikuar disa zona të Dukagjinit nga vërshimet. Temperaturat do të shënojnë ulje në të dy vlerat ekstreme. Minimalet do të lëvizin ndërmjet 1-2 gradë Celsius, ndërsa maksimalet e ditës parashihen të lëvizin ndërmjet 7-9 gradë Celsius”, thuhet nga IHK.