KRU “Hidroregjioni Jugor” zhbllokon kanalizimin në fshatin Dragobil, kërkohet nga qytetarët mos të hedhin mjete në kanalizime

KRU “Hidroregjioni Jugor” në Prizren, përmes një postimi në Facebook, ka njoftuar se pas informatave të pranuara për bllokimin e kanalizimit në fshatin Dragobil, puntorët e seksionit të operativës në KRU “Hidroregjioni Jugor”, kanë intervenuar menjëherë dhe kanë arritur të zhbllokojnë kanalizimin.

Tutje, në njoftim theksohet se ekipet përkatëse, gjatë intervenimit, kanë hasur në një numër të madh të mjeteve të ndryshme të hedhura në kanalizim.

“Veprimet e ulëta po shkaktojnë probleme të mëdha, jo vetëm për kompaninë. Kërkojmë nga qytetarët që të kenë kujdes, pasi një veprim i tillë është vepër penale dhe e dënueshme sipas Kodit Penal.”, shkruan në fund të njoftimit nga KRU “Hidroregjioni Jugor” në Prizren./TVPrizreni/