Presidentja e Kosovës Vjosa Osmani, e ka pritur në takim ambasadorin e Mbretërisë së Bashkuar, Jonathan Hargreaves.
Takimi u zhvillua gjatë ditës së djeshme në Presidencë.
Osmani dhe Hargreaves, diskutuan për zhvillimet e fundit në vend.
E para e shtetit të Kosovës, vuri në pah rëndësinë e forcimit të mëtejmë të raporteve të ndërsjella dhe koordinimit të vazhdueshëm për të adresuar sfidat e përbashkëta.
“Në takim, u diskutua edhe rëndësia e intensifikimit të bashkëpunimit bilateral midis Kosovës dhe Mbretërisë së Bashkuar, me fokus në fushat e politikës së jashtme, mbrojtjes, mbrojtjes dhe ekonomisë”, thuhet në njoftim.
