Prokuroria Themelore në Prizren ka ngritur aktakuzë për rastin e vdekjes së 47 vjeçares e cila disa muaj më parë ka humbur jetën në ashensor.
Siç ka njoftuar avokati i palës së dëmtuar, Gent Gjini, ndaj të akuzuarëve është ngritur aktakuzë për veprën penale “Asgjësimi, dëmtimi ose heqja e pajiseve mbrotjtese dhe rrezikimi i sigurisë në vendin e punës”.
Po ashtu nga Gjini bëhet e ditur se të akuzuarit janë kompania Design Lifts SHPK, të cilët sipas tij ishin dhe përgjegjës për mbikqyrjen e ashensorit në objektin banesor ku ndërroi jetë 47 vjeçarja.
“Është për tu habitur për neve se si dhe në çfarë rrethanash personat që janë të akuzuar, nga ana e prokurorisë nuk kanë pranuar fajësinë për veprën penale, e cila ju vihet në barrë nga ana e prokurorisë përderisa faktet dhe provat të gjitha se çfarë i përmban aktakuza ata në çdo aspekt i rezulton si fajtor kjo si nga prova e ekspertizave përkatëse dhe nga deklaratat e dëshmitarëve, të cilët kanë treguar dhe do të dëshmojn poashtu në gjykatë se ky ashensor ka pasur defektet e saj teknike. Por, që këto defekte nuk janë marrur parasysh nga ana e tyre, të cilët edhe sipas kontratës kontraktuale, kanë pasur për obligim ligjor që ta mirëmbajn ashensorin në fjalë”, thuhet tutje nga avokat Gjini.
47 vjeçarja humbi jetën pasi dyshohet se ra në ashensorin e banesës në të cilën dhe jetonte në Prizren.
