Shefi i Zyrës së Bashkimit Evropian në Kosovë, Aivo Orav, ka zhvilluar të enjten një vizitë në komunat veriore të Kosovës.
Ai ka bërë të ditur se gjatë kësaj vizite është takuar me përfaqësues nga partitë politike dhe shoqëria civile nga komuniteti serb në Kosovë.
Nëpërmjet një postimi në platformën “X”, Orav ka thënë se është i përkushtuar të punojë derisa të sigurohet se angazhimet e Kosovës ndaj të gjitha komuniteteve të jenë realizuar.
“Përfundova vizitën time në veri të Kosovës, ku takova përfaqësues nga partitë politike dhe shoqëria civile nga komuniteti serb i Kosovës. Jam i përkushtuar të punoj ngushtë me homologët për të siguruar që angazhimet e Kosovës ndaj të gjitha komuniteteve janë realizuar plotësisht”, ka shkruar ai. /KOHA/
Concluded my visit to the north of #Kosovo, where I met representatives from political parties & civil society from the Kosovo Serb community. I am committed to working closely with counterparts to ensure that Kosovo’s commitments to all communities are fully realized. pic.twitter.com/B9ihTPCd1h
— Aivo Orav (@AivoOrav) September 12, 2024