Organizata Botërore e Shëndetësisë e ka shpallur linë e majmunëve si emergjencë globale të mërkurën, me raste të konfirmuara në fëmijë dhe të rritur në dhjetëra shtete.
Në fillim të javës, Qendra për Kontrollin dhe Parandalimin e Sëmundjeve në Afrikë ka thënë se shpërthimi i lisë së majmunëve është emergjencë shëndetësore, me mbi 500 të vdekur, ndërsa ka bërë thirrje për ndihmë ndërkombëtare në ndalimin e përhapjes së virusit.
“Kjo është diçka që duhet të na shqetësojë të gjithëve… potenciali për përhapje të mëtejme brenda dhe jashtë Afrikës është shumë shqetësues”, ka thënë drejtori i OBSH-së, Tedros Adhanom Ghebreyesus.
Në vitin 2022, OBSH-ja e pati shpallur linë e majmunëve si emergjencë globale pasi u përhap në më shumë se 70 shtete ku nuk ishte raportuar më parë për raste me këtë virus, i cili prek kryesisht burrat gej dhe biseksualë.
Ndryshe nga shpërthimet e mëhershme të lisë së majmunëve, ku shenja paraqiteshin në kraharor, duar dhe këmbë, tani forma e re e virusit shkakton simptoma të lehta dhe shenjat paraqiten në organet gjenitale.
