Daut Haradinaj nga Aleanca për Ardhmërinë e Kosovës (AAK), ka reaguar pas kërcënimeve nga i pari i Serbisë, Alaksandër Vuçiqit.
Në një postim në Facebook, Haradinaj është shprehur se kjo gjuhë, sipas tij, nuk i ndihmojnë stabilitet rajonal.
“Ngritja e kapaciteteve ushtarake në gjendje gatishmërie, me pretekst se “ndjehet i kërcënuar nga situata në Kosovë”, është gjuhë e rrezikshme, nga e cila ka pësuar i tërë rajoni, ndërkaq Serbisë i ka sjell humbje të luftërave dhe izolim”, ka shkruar ai.
Postimi i plotë:
Gjuha e urrejtjes dhe kërcënimet e Vuçiq në llogari të Kosovës, nuk i ndihmojnë aspak stabilitetit rajonal.
Ngritja e kapaciteteve ushtarake në gjendje gatishmërie, me pretekst se “ndjehet i kërcënuar nga situata në Kosovë”, është gjuhë e rrezikshme, nga e cila ka pësuar i tërë rajoni, ndërkaq Serbisë i ka sjell humbje të luftërave dhe izolim.
Kosova ka një forcë mbrojtëse moderne cila po merr pjesë në misione paqëruajtëse, me synim anëtarësimin sa më të shpejtë në NATO.
Uroj që edhe Serbia sa më parë t’i bashkohet aleancës perëndimore, duke llogaritur paqe, stabilitet, bashkëpunim dhe fqinjësi të mirë me të gjithë fqinjët e saj.
Neve jemi më shumë se të vendosur në rrugën tonë drejt perëndimit.
Kosova është shtet i pavarur dhe nuk ka kthim mbrapa.