Kurti: Defektet në sistemin e arsimit s’mund të rregullohen përnjëherë e shpejt

E në mbledhjen e Qeverisë të mërkurën, Kurti ka thënë se PISA po tregon se s’po shkon diçka mirë në fëmijërinë relativisht të hershme të nxënësve.

“Jemi të shqetësuar me rezultatet e testit PISA për vendin tonë, që treguan për defekte strukturore e kronike të sistemit arsimor që shtrihen gjatë në të kaluarën e shoqërisë sonë, e nuk do të mund të rregullohen as përnjëherë e as shpejt. Testi PISA po tregon se në fëmijërinë relativisht të hershme diçka s’po shkon mirë. Qeveria angazhohet për kushte të mira të punës, të mësimdhënies e të mësimnxënie. Mësimdhënësit duhet të kujdesen që të motivojnë, inspirojnë e garantojnë që nxënësit po mësojnë e dinë”, ka thënë Kurti.