Komuna e Prizrenit ka njoftuar se për herë të parë në Komunën e Prizrenit u themelua sot Këshilli Publiko-Privat, mbështetur nga Aktiviteti i USAID-it – Qeverisja e Pronës.
Njoftimi i plotë:
Për herë të parë në Komunën e Prizrenit u themelua sot Këshilli Publiko-Privat, mbështetur nga Aktiviteti i USAID-it – Qeverisja e Pronës.
Komunikimi i vazhdueshëm për sfidat dhe çështjet e ndërlidhura me menaxhimin, dhënien e këmbimin e pronës komunale, partneritetin publiko-privat dhe mbështetjen e bizneseve me pronare gra, është më se i rëndësishëm për zhvillimin e biznesit në Komunën tonë dhe shërben për krijimin e urave bashkëpunimi mes komunitetit të biznesit dhe pushtetit lokal.
“Përmirësimi i ambientit për zhvillimin e biznesit është ndër prioritetet tona, që përkthehet drejtpërdrejtë në zhvillim ekonomik të rajonit tonë dhe gjenerim të vendeve të punës” – u shpreh me këtë rast Kryetari Shaqir Totaj.