Zyra për informim publik e Drejtorisë Rajonale të Policisë- Prizren, njofton se njësiti i hetimeve të Stacionit Policor “Prizren” ka pranuar një informatë se me datën 27.10.2023 rreth orës 20:37 min, në Prizren pas një mosmarrëveshjeje verbale në mes të disa të rinjve ka pasur një konflikt fizik.
Nga hetimet e para në vendin e ngjarjes mësohet se dy të prej personave të përfshirë, dyshohet se kanë përdorur armë zjarri si dhe mjete tjera të forta ndaj viktimës me ç’rast i kanë shkaktuar lëndim trupor dhe dëmtuar pronën e tij (veturën).
Me datën 29.10.2023 njësiti i hetimeve nga Stacioni Policor “Prizren” pas hetimeve intensive dhe informatave të pranuara përmes rrugëve operative, kanë arritur që të i lokalizojnë dy të dyshuarit të cilët janë arrestuar nga ana e policisë. Me vendim të prokurorit të shtetit janë kontrolluar shtëpitë dhe objektet përcjellëse të të dyshuarve, ku janë gjetur si dëshmi materiale gëzhoja dhe predha të armës së zjarrit si dhe një mjet i fortë i cili dyshohet se është përdorur në rast. Sendet e gjetura procedohen në Gjykatë si prova materiale. Me vendim të prokurorit të shteti,t dy persona të dyshuar ndalën në mbajtje për 48 orë ndërsa i dyshuari i tret i involvuar në rast është i njohur për Policinë është vënë në kërkim policor.
Nga hetimet e deritanishme, dyshohet se rasti ka ndodhur për motive të ulëta. Rasti është duke u hetuar nga hetues të Stacionit Policor në Prizren me dyshimin për kryerjen e veprave penale ‘’Shkaktim i rrezikut të përgjithshëm’’, ‘’Përdorimi i armës apo mjetit të rrezikshëm’’, ‘’Lëndim i lehtë trupor’’ dhe ‘’Asgjësimi apo dëmtimi i pasurisë’’.”, thuhet në njoftimin e policisë.