E diela e fundit e muajit tetor shënon ndërrimin e orës dimërore. Llogaritja dimërore e kohës fillon mëngjesin e hershëm, kur të dielën në mëngjes, saktësisht në orën tre pas mesnate shigjetat e orës do të zhvendosen një orë pas.
Kjo do të thotë se koha në orën tre do konsiderohet si ora dy. Llogaritja dimërore e kohës fillon fundjavën e fundit të tetorit dhe zgjat deri në fundjavën e fundit në mars kur fillon llogaritja verore e kohës.
Në mars të vitit 2019, Parlamenti Evropian mbështeti propozimin e Direktivës, e cila duke filluar nga viti 2021, heq lëvizjen gjashtëmujore të orës në nivel të BE-së dhe ia lë shteteve anëtare vendimin për zgjedhjen e orës verore apo dimërore.
Por kjo çështje ngeci në Këshillin e BE-së, kështu që në vitin 20202 do të vazhdojë si më parë, akrepat do të zhvendosen një orë pas nga e shtuna në të dielën.
Prandaj, duke kthyer orën një orë mbrapa gjatë vjeshtës, kjo u siguron njerëzve më shumë dritë dielli në mëngjes. Kthimi i orës përpara në pranverë sjell mbrëmje më të lehta.
Fatmirësisht, pajisjet elektronike e përditësojnë orën e re në mënyrë automatike, ndërsa orët e murit dhe të disa vturave duhet të ndërrohen në mënyrë manuale.
Arsyeja e ndryshimit të orës çdo vit në të gjithë botën ndodh që njerëzit të përdorin më pak energjinë elektrike dhe të shfrytëzojnë më shumë energjinë diellore.