Rreth orës 13:00 në rrugën “Rrustë Kabashi” ka ndodhur një vetaksident, raporton TV Prizreni.
Sipas zyrtarit për informim në Policinë e Prizrenit, Vesel Gashi, si pasojë e këtij vetaksidenti kanë pësuar lëndime të lehta trupore dy persona.
“Aksidenti ka ndodhur në rrugën “Rrustë Kabashi” rreth orës 13:00. Është vetaksident dhe deri tek ky vetaksident ka ardhur si pasojë e mos përshtatjes së shpejtësisë. Ka goditur një pjesë të rrugës dhe automjeti është rrokullisur. Dy persona janë dërguar në Emergjencë për ndihmë mjekësore. Gjendja e tyre sipas informatave fillestare është me lëndime të lehta dhe jashtë rrezikut për jetë”, thuhet në përgjigjen e zyrtarit për informim në Policinë e Prizrenit, Vesel Gashi./tvprizreni
