Kombëtarja shqiptare e futbollit plot tetë vite më parë siguroi për herë të parë kualifikimin në Kampionatin Evropian ‘Euro 2016’
Në kualifikimet e asaj kohe, Shqipëria e drejtuar atëherë nga Gianni de Biassi triumfoi në udhëtim 0:3 tek Armenia dhe njëherë siguroi plasmanin historik.
Suksesin e para tetë vjetëve kuqezinjtë janë afër ta përsërisin edhe këtë vit.
Sonte djemtë e Silvinjos do të përballën kundër Çekisë në njërën nga duelet më të rëndësishme të Kombëtares së Shqipërisë.
Në rast të triumfit, Shqiponjat mund të nisin udhëtimin e tyre drejt Gjermanisë, ani se nuk e sigurojnë edhe matematikisht kualifikimin, për faktin se në dy ndeshjet e radhës kanë punë me Moldavinë në udhëtim dhe Ishujt Faroe në shtëpi.
Sa pikë i duhen Shqipërisë të shkojë në Kampionatin Evropian?
Shqipëria është lidere e grupit me 10 pikë, dy më shumë se Çekia dhe Moldavia që kanë nga 8 pikë në pozitat dy dhe tre. Polonia ka gjashtë pikë në vendin e katërt, ndërkohë Ishujt Faroe janë pa gjasa në vendin e fundit.
Kombëtares shqiptare nga tri ndeshjet që ka para vetes i duhen pesë pikë nga nëntë të mundshmet për kualifikim.Gjithnjë nëse mposht Republikën Çeke, Kombëtares kuqezi i nevojiten vetëm edhe dy pikë nga dy ndeshjet e ardhshme për të siguruar kalimin në Gjermani.
Si në ndeshjet paraprake, interesimi nga ana e tifozëve shqiptarë nga gjitha trojet shqiptare është i jashtëzakonshëm.
Shumë grupe të tifozëve në mënyrë të organizuar nga Kosova kanë paralajmëruar udhëtim drejt Tiranës për ndeshjen kundër Çekisë.
Ndeshja ndërmjet Shqipërisë dhe Çekisë do të luhet nga ora 20:45 në stadiumin Air Albania në Tiranë.
