Redaktori i KOHËS Besnik Krasniqi ka deklaruar se kryeministri i Shqipërisë, Edi Rama, mund të jetë i korruptuar në çështjen e dialogut mes Kosovës e Serbisë.
Ai ka thënë se deklarimet e Ramës në raport me Kosovën për situatën në veri janë paradoksale, duke shtuar se “i gjithë diskursi i Ramës është për qëllime personale”.
Ka kohë që mundohet të luajë protagonistin në rajon e të sillet si faktor i pajtimit, nisur nga nisma ‘Ballkani i Hapur’.
Ka një sërë nismash që i është bashkëngjitur për luajtje të një lideri. I barazon krimet e Serbisë me krimet e vendeve të tjera…Bëhet njeriu i parë që shtyp butonin me sanksionet kundër Kosovës. I pari e ka sanksionuar Kosovën pas zhvillimeve. Rama ka qenë njeri që është angazhuar për shkëmbimin e territoreve.
Ky me z.Grenell ruan raporte të afërta…Mund të ketë dyshime se është i korruptuar, qoftë nga Serbia, qoftë nga lobet e ndryshme…Rama mund të jetë i korruptuar për çështje të dialogut”, ka thënë Krasniqi.