Presidentja e Kosovës, Vjosa Osmani, ka dërguar një mesazh urimi për qytetarët e besimit të krishterë në Kosovë me rastin e Pashkëve.
“Festat sikur Pashkët, na rikujtojnë se fuqia e shpresës, besimit e dashurisë, gjithmonë triumfon mbi sfidat më të mëdha. Pashkët janë manifestim i vlerave tona të përbashkëta njerëzore, mbështetjes, humanizmit e solidaritetit, të cilat populli ynë vazhdon t’i kultivojë në vazhdimësi. Për shumë mote, gëzuar Pashkët”, thuhet në mesazhin e presidentes Osmani.
Ajo ka uruar besimtarët katolik që Pashkët të jenë të mbushura me festë e gëzim dhe e shtëpitë e tyre me begati!
