Kandidati për kryeministër nga Partia Demokratike e Kosovës, Enver Hoxhaj, ka thënë se Autostrada e Anamoravës është plani i ardhshëm, e cila do të nisë të ndërtohet pas 14 shkurtit, kur PDK të jetë në krye të qeverisë.
Ai iu ka premtuar banorëve të Anamoravës dhe atyre të Luginës së Preshevës, se projekti i ndërtimit të autostradës Prishtinë – Gjilan – Dheu i Bardhë, do të vazhdojë dhe është prioritet në programin e PDK-së.
“I shoqëruar nga anëtarët e kryesisë, Bajrush Xhemaili, Zenun Pajaziti dhe gjeneral Kadri Kastrati, takuam sot strukturat e PDK-së në Kamenicë”.
“Me entuziazëm të jashtëzakonshëm e të gatshëm për sfidat dhe sukseset e radhës që na presin për Kosovën, me njerëz profesionistë dhe punëtorë që duan të punojnë për të mirën e vendit, do ta udhëheqim Qeverinë e ardhshme”.
“PDK do të vazhdojë të investojë në infrastrukturë rrugore, si faktor i rëndësishëm për zhvillimin ekonomik të vendit. Autostrada e Anamoravës është plani jonë i ardhshëm, e cila do të nisë të ndërtohet pas 14 shkurtit, kur të jemi në krye të qeverisë”.
“Unë si Kryeministër dhe PDK në qeveri, garantojmë se banorët e Anamoravës dhe ata të Luginës së Preshevës, se projekti i ndërtimit të autostradës Prishtinë – Gjilan – Dheu i Bardhë, do të vazhdojë dhe është prioritet në programin tonë”.