Sipas transparometrit komunal, në mesin e 38 komunava në Kosovë, Komuna e Prizrenit renditet e treta për transparencë sipas Instituti Demokratik të Kosovës (KDI), në partneritet me konsorciumin e organizatave jo qeveritare “Aleanca Qytetare për Transparencë”.
Kryetari i Prizrenit, Shaqir Totaj e quajti rritje të jashtëzakonshme e transparencës komunale renditjen në vendin e tretë të komunës që e drejton ai.
Ai ka shkruar në facebook për rritje të jashtëzakonshme të “Transparencës Komunale” në komunën e Prizrenit.
“Instituti Demokratik i Kosovës (KDI), në partneritet me konsorciumin e organizatave jo qeveritare “Aleanca Qytetare për Transparencë”, ka publikuar Transparometrin Komunal, ku pasqyrohen te gjeturat e nivelit të transparencës së institucioneve lokale për 38 komunat e Kosovës për gjysmën e dytë të vitit 2022 (korrik-dhjetor).
ipas këtij vlerësimi, Komuna e Prizrenit është renditur e treta në nivel vendi apo e para nga komunat e mëdha.
Komuna e Prizrenit, e vlerësuar në gjithsej 48 indikatorë specifikë që masin elemente të rëndësishme të qeverisjes së mirë dhe përmbushjen e obligimeve ligjore që lidhen me transparencën dhe llogaridhënien, në raport me qytetarët.
Bazuar në të gjeturat gjatë kësaj periudhe, 10 komunat të cilat prijnë me nivelin e transparencës në Kosovë janë: Komuna e Rahovecit me 90 pikë (93.75%), Komuna e Lipjanit me 89 pikë (92.71 %), Komuna e Prizrenit me 88 pikë (91.67 %).”, ka shkruar kryetari Totaj.
