Pas rritjes së importeve nga Serbia me rreth 70 milionë euro, ka reaguar Lidhja Demokratike e Kosovës e cila thotë gjatë mandatit të Qeverisë Kurti, ka arritur rekord i ri i importit nga Serbia
LDK-ja nëpërmjet një postimi në Facebook të titutlluar si Fakt ditor, shkruan se gjatë vitit 2022, Serbia ka rritur importet për plot 70 milionë euro. Me 370 milionë euro import në vit, Serbia gjatë mandatit të kësaj qeverie, ka arritur rekord të ri.
“Politikat e gabuara të partisë në pushtet, vazhdojnë të favorizojnë prezencën ekonomike të Serbisë në Kosovë. Ankesat për të kaluarën nuk përmirësojnë ekonominë dhe nuk i zgjidhin problemet e së ardhmes”, thuhet në reagimin e LDK-së.
Më tej në njoftimin thuhet se ka nevojë për veprime konkrete dhe jo premtime e fjalë boshe.