Lideri i Aleancës për Ardhmërinë e Kosovës, Ramush Haradinaj, mbrëmë ka qëndruar në Prizren.
Ai i shoqëruar nga drejtuesit e partisë së tij në Prizren, ka zhvilluar një takim mbrëmjen e fundit.
“Për mua dhe për Aleancën, Prizreni ka rëndësi të veçantë. Përpos vlerave historike, Prizreni është qendër e vlerave të njerëzve të mirë e të zotë, intelektualë e sipërmarrës të dëshmuar.
Me kryetarin e degës, Besnik Krasniqi dhe kolegë të tjerë, kishim kënaqësinë që sonte në Prizren ta përjetojmë atmosferën festive që po mbizotëron me rastin e festave të fundvitit dhe njëkohësisht të bashkëbisedojmë me qytetarë prizrenas.
Kryetarin Krasniqi dhe strukturat e degës, i falënderova për vizionin dhe përkushtimin për të vazhduar punën në fuqizimin e Aleancës.
I urova suksese në vitin 2023, me shpresë që ky vit të jetë më i mirë për familjet tona.”, ka deklaruar Haradinaj.