Vuçiq ankohet për planin e ri “franko – gjerman” që Lajçak ua ka dorëzuar palëve

Presidenti i Serbisë, Aleksandar Vuçiq, ka deklaruar se teksti i ri i propozimit franko-gjerman që kanë marrë palët nuk është përmirësuar në pjesët ku Serbia e konsideron se duheshin bërë përmirësimet

Vuçiq tha se europianët “nuk e kanë përmbushur atë që është kërkuar” nga Serbia.

“Ne jemi të gatshëm të flasim, nuk refuzojmë asgjë paraprakisht, përveçse e kemi bërë të qartë me shkrim, jo ​​vetëm verbalisht, se cilat janë vijat tona të kuqe dhe çfarë nuk mund të pranojmë. Ne jemi të gatshëm të flasim, jemi gati për zgjidhje kompromisi dhe ne do të vazhdojmë të flasim”, ka thënë Vuçiq.