Komisioni Qendror i Zgjedhjeve (KQZ) po e sheh shumë problematike, datën 7 shkurt, nëse u.d e Presidentes, Vjosa Osmani do të caktojë si datën për mbajtjen e zgjedhjeve të jashtëzakonshme parlamentare.
Burime të IndeksOnline kanë mësuar se këtë shqetësim KQZ e ka shprehur përmes një informate që i ka dërguar zyrës së Presidencës.
Burimet kanë thënë se KQZ i ka dërguar informate zyrës së Presidencës, se në rast se do të shpallet data e zgjedhjeve më 7 shkurt 2021, do të kenë rrezik të furnizohen në kohen e duhur me fletëvotime.
“Gjithashtu subjektet politike të cilat marrin pjesë në zgjedhje, do të kenë shumë afate të cunguara nga KQZ-ja, kjo për shkak se afatet janë tejet të shkurtuara, nëse mbahen zgjedhjet me datë 7 shkurt 2021.”, thuhet në informatën që e ka dërguar KQZ dhe që e ka siguruar IndeksOnline.