Ish-drejtori i Administratës Komunale në Prizren ,Osman Hajdari, është zgjedhur drejtor i Administratës së Spitalit Rajonal të Prizrenit.
Lajmin e ka bërë të ditur vet Hajdari në rrjetin social,Facebook.
Postimi i plotë:
Dita e parë si drejtor i administratës së Spitalit Rajonal të Prizrenit “Prim. Dr. Daut Mustafa”
Si çdoherë dhe çdo vend që kam punuar dhe udhëhequr në administratë publike, jam munduar të punoj me përkushtim e profesionalizëm të lartë, me korrektësi e dashamirësi të plotë, drejt sukseseve me qëllim të arrijtes së objektivit-shërbime të avansuara për qytetarët, ashtu edhe në Administratën e Spitalit Rajonal të Prizrenit, së bashku me ekipin e kësaj administrate, do të bëjmë më të mirën tonë, në të mirë të qytetarëve.
Administratën publike përvec se e kam profesion, atë e ndjej edhe si pasion. Me të gjitha këto dhe me përvojën time në këtë fushë, do te sjellim reforma që avansojnë shërbimet ashtu siç meritojnë dhe presin qytetarët.