Isa Mustafa ish kryetar i Lidhjes Demokratike të Kosovës do të udhëtojë gjatë javës në Hagë për të vizituar ish krerët e Ushtrisë Çlirimtare të Kosovës, raporton Gazeta Blic.
Këtë e kanë thënë burime të Gazetës, por nuk kanë treguar nëse Mustafa do të takojë edhe Rexhep Selimin e Jakup Krasniqin.
Mustafa sipas këtyre burimeve do t`i takojë vetëm ish presidentin e Kosovës Hashim Thaçi dhe ish kryetarin e Partisë Demokratike të Kosovës Kadri Veseli.
“Gjatë javës ai pritet të udhëtoj në Hagë për vizitë te Thaçi e Veseli. Më shumë kohë do të qëndroj me Thaçin e më pak kohë me Veselin”, ka thënë një burim i afërt me ish kryetarin e LDK-së. Kjo vizitë e ish kryetarit njëherit ish kryeministrit të Kosovës Isa Mustafa do të bëhet në kohën kur Thaçi dhe të tjerët i bëjnë 2 vjet që nga nisja drejt Dhomave të specializuara nën akuzat se kinse kanë kryer krime lufte gjatë kohës së luftës së fundit në Kosovë.