Kuvendi i Prizrenit unanimisht ka votuar propozim- vendimin për njohjen e gjuhës rome në përdorim zyrtar në këtë komunë. Pas një iniciative disavjeçare, kërkesa e komunitetit rom në Prizren për njohjen e gjuhës së saj tradicionale në përdorim zyrtar, është jetësuar këtë të hënë nga Kuvendi i Prizrenit.
Me këtë rast, Kryetari Totaj tha se gjuha është jetike për njerëzimin e ky komunitet ka trashëgimi unike dhe ndër prioritetet e Komunës është mbrojtja e të drejtave të komuniteteve si dhe e të gjithë qytetarëve të Komunës së Prizrenit, pa dallim.
Ndërsa këtij vendimi i janë gëzuar edhe rrjeti i OShC-ve për gjuhën rome dhe organizata Nevo Koncepti të cilit ishin inicues të kësaj kërkesë.
Në emër të tyre ka shkruar drejtori i organizatës “Durmish Aslano”, Fatmir Menekshe.
Njoftimi i plotë:
Në emër të Rrjetit të OShC-ve për gjuhën rome, Nevo Konceptit dhe Këshillit të Evropës faleminderojmë Kryetarin e Komunës së Prizrenit, z. Shaqir Totaj, kryesuesen znj. Antigona Bytyqi, kryesuesin e Komitetit për Komunitete, z. Ertan Simitçi, që proceduan këtë kërkesë dhe të gjithë Kuvendarët e Komunës së Prizrenit që votuan pro që Gjuha Rome të njihet si gjuhë në përdorim zyrtar në Komunën e Prizrenit!
Njëkohësisht faleminderoj edhe zyrtarët dhe pozitat e tjera që kontribuan në këtë qështje nga niveli qendror, njëra nga ata edhe Zv.Kryeministrja, znj. Emilija Redzepi.
Prizreni dëshmoi që është multietnik e i respekton të gjithë komunitetet pa dallim!