Kryetari i Komunës së Hanit të Elezit, Rufki Suma, ka thënë që rreth 70% e qytetarëve të kësaj komune e kanë kaluar koronavirusin.“Edhe pse dihet që 2020-ta, ishte vit i pandemisë që përfshiu tërë globin e përfshiu edhe Hanin e Elezit, megjithatë planifikmet që i kemi pasë në realizimin e projekteve kapitale i kemi realizuar shumicën”.
“Ka pasë vazhdimisht teste që janë bërë nga IKSHPK-ja, nga fillimi deri në përfundim të vitit 2020 kemi pasë 79 raste të identifikuara, por mund të themi që ka pasë numër edhe më të madh. Për dy javë e më tepër janë testuar më shumë se 600 banorë të Hanit të Elezit dhe më shumë se 70 përqind e qytetarëve e kanë kaluar virusin. Ka rënë fuqia e pandemisë”, ka thënë Suma.
Suma në Edicionin Special në Klan Kosova, ka theksuar që kanë pasë mjaft pajisje për COVID-19.“Sa i përket pandemisë, kemi pasë mbështetje të vazhdueshme ne si komunë nga të gjitha qeveritë, kemi marrë një shumë të mjeteve për realizimin e disa projekteve. Me çdo qeveri që ka qenë në detyrë kemi pasë kontakte të rregullta”.
