Një person është arrestuar sonte në Fushë Kosovë, pasi dyshohet për shpërdorim të pasurisë së huaj.
Policia njofton se më 21.09.2022, një grua ka raportuar se ka vërejtur që i mungon një çantë (me dokumente personale dhe para të gatshme 18 mijë euro), të cilën dyshonte se e kishte harruar në një taksi me të cilin kishte udhëtuar për në Fushë Kosovë.
“Ka qenë puna e hetuesve policor ajo që ka rezultuar me identifikimin e personit të dyshuar si dhe arrestimin e tij”, thuhet në komunikatën për media.
Pjesë e veprimeve policore thuhet se ka qenë edhe kontrolli i vendbanimit të personit të dyshuar, ku në një depo të murosura janë gjetur dhe sekuestruar rreth 27 mijë euro.
“Personi i dyshuar A.R. mashkull 25 vjeç, pas përfundimit të procedurave të nevojshme policore, me vendim të prokurorit është dërguar në mbajtje, ndërkohë që, konform procedurave palës së dëmtuar i është kthyer shuma e saj e parave”. /Telegrafi/