LAJME

72 orë pa ndihmë: Si po synon BE-ja t’i përgatitë europianët për raste krizash

72 orë pa ndihmë: Si po synon BE-ja t’i përgatitë europianët për raste krizash
TV Prizreni
TV Prizreni
17 Nëntor 2026, 12:58

Europa po u kërkon familjeve të jenë të përgatitura me furnizime për të paktën tre ditët e para të një krize. Qytetarët duhet të kenë ushqim, ujë e ilaçe të mjaftueshme, t’i kenë gati valixhet e evakuimit dhe të kenë plane emergjence që të përballen me fatkeqësitë natyrore dhe të shkaktuara nga njeriu, ka shkruar të martën (17.11.2026) Euronews.

Komisionerja e BE-së për Gatishmërinë, Menaxhimin e Krizave dhe Barazinë, Hadja Lahbib, i ka paraqitur më 3 nëntor udhëzimet e reja të BE-së për gatishmërinë ndaj emergjencave.

Udhëzimet synojnë ta kthejnë gatishmërinë ndaj krizave si pjesë të jetës së përditshmërisë, duke siguruar që familjet të mund t’i përmbushin nevojat themelore për së paku 72 orët e para, kur shërbimet e emergjencës mund të jenë të mbingarkuara .

Ato mbulojnë gjithçka, nga mbajtja e furnizimeve të emergjencës e deri te marrja e vendimeve nën ethe, mësimin e shkallës së gatishmërisë në shkolla dhe komunikimin e rreziqeve.

“Këto udhëzime janë zhvilluar me shtetet anëtare të BE-së dhe shtetet pjesëmarrëse të mekanizmit të mbrojtjes civile të Unionit (UCPM). Ky ka qenë një proces bashkëpunues, duke përfshirë punëtori dhe konsultime”, ka shpjeguar Lahbib.

Ky veprim vjen pas valës së sulmeve kibernetike, sulmeve me dronë, sabotimit të infrastrukturës kritike dhe fatkeqësive natyrore, të cilat mund të shkaktojnë ndërprerje në rrjetet e komunikimit, transportit dhe energjisë, duke lënë të paralizuara komunitete të tëra.

Kërcënimet marrin shumë forma, dhe disa prej tyre janë afër vendeve anëtare. Edhe pse Komisioni Europian e konsideron të pamundshme një luftë në shkallë të plotë, afërsia e BE-së me Ukrainën paraqet dobësi. Blloku përballet me agresionin e vazhdueshëm të Rusisë në Ukrainë, paqëndrueshmërinë në Lindjen e Mesme dhe përmbytjet dhe zjarret të shkaktuara nga klima, së bashku me rritjen e sabotazhit, ndërhyrjeve me dronë dhe sulmeve kibernetike.

Komisioni Europian ka miratuar Strategjinë e Përgatitjes të BE-së në mars 2025 me qëllim që Europa të mund të kalojë nga menaxhimi reaktiv i krizave në mbrojtje proaktive. Por doracakët morën peshë në fundvitin 2026 pas një sërë incidentesh hibride në krejt Europën./Kallxo.com

Klikoni KËTU për tu bërë pjesë e kanalit të TV Prizreni në Youtube.

Të tjera nga rubrika