Kryetari i Prizrenit, Shaqir Totaj, i ka shprehur ngushëllime familjes, miqve dhe bashkëpuntorëve të së ish-kryetarit të komunës, profesorit dhe veprimtarit të shquar, Eqrem Kryeziu.
Totaj theksoi se Kryeziu ka lënë gjurmë të pashlyeshme në historinë tonë të re, përmes veprimtarisë së tij politike dhe akademike.
“Me dhimbje të thellë morëm lajmin për ndarjen nga jeta të intelektualit të shquar, profesorit dhe veprimtarit të dalluar, Prof. Dr. Eqrem Kryeziu. Profesor Kryeziu la gjurmë të pashlyeshme në historinë tonë të re si një nga themeluesit dhe figurat qendrore të Lidhjes Demokratike të Kosovës, si dhe në udhëheqjen e zhvillimin e qytetit të Prizrenit.” – shkruan Totaj në Facebook.
