Deputeti i Lidhjes Demokratike të Kosovës (LDK), Armend Zemaj, deklaron se partia e tij nuk do ta përkrahë buxhetin për vitin 2027 nëse propozimet e saj nuk merren parasysh dhe nëse, siç thotë ai, buxheti nuk është në interes të qytetarëve.
Për KosovaPress, Zemaj thotë se prioritetet që LDK-ja synon t’i adresojë në buxhetin e vitit të ardhshëm përfshijnë arsimin, shëndetësinë, zhvillimin ekonomik, energjinë dhe sigurinë.
Ai kritikon Qeverinë për, siç është shprehur, keqmenaxhim të buxhetit, ngecje të projekteve kapitale dhe shpenzime të larta, i cili vlerëson se investimet nuk kanë sjellë ndryshimet e nevojshme në jetën e qytetarëve.
