Mbrëmë në mesnatë është sulmuar fizikisht gazetari Visar Duriqi, autor i emisionit hulumtues “Indoks”.
Sulmi fizik ndaj tij është bërë nga tre persona ende të panjohur. Tre persona e kishin pritur gazetarin Duriqi, para hyrjes së banesës së tij.
Ndërkohë burime të IndeksOnline kanë bërë të ditur se në tentim për tu vetëmbrojtur nga sulmuesit gazetari Visar Duriqi ka përdorur thikën, por nuk ka arritur t’i ndalë sulmuesit.
Ndërsa sot në deklaratën që bëri para mediave, pasi doli nga stacioni policor në Fushë-Kosovë, gazetari Visar Duriqi, ka thënë se ka tentuar që të vetëmbrohet, por megjithatë nuk ia ka arritur.
IndeksOnline ka kontaktuar Policinë e Kosovës për të konfirmuar versionin e kësaj ngjarje, po që ata nuk kanë kthyer përgjigje.
Sot gjatë ditës pas sulmit që i është bërë gazetarit Visar Duriqi, sulmin ndaj tij e kanë dënuar shoqatat e gazetarëve personalitete politike dhe bartës të institucioneve.