Shtëpia e Bardhë u ndriçua të hënën mbrëma me ngjyrat kaltër e bardhë të flamurit të Izraelit, në shenjë solidariteti me këtë shtet.
Të paktën 11 shtetas amerikanë janë konfirmuar të vdekur si pasojë e sulmeve befasuese të Hamasit, ka thënë presidenti Joe Biden, sipas të cilit, besohet se ka edhe tjerë që janë duke u mbajtur peng nga militantët.
“Zemra ime është me secilën familje që pësoi nga ngjarjet e tmerrshme të ditëve të kaluara”, tha ai në një deklaratë.
Biden shtoi se State Departmenti po u ofron ndihmë për t’u larguar qytetarëve amerikanë që aktualisht janë në Izrael e të cilët duan ta bëjnë një gjë të tillë.
Po ashtu, ai tha se zyrtarët federal të sundimit të ligjit janë duke monitoruar për së afërmi kërcënimet e mundshme brenda vendit, që mund të jenë të shtyra nga sulmet në Izrael.
Klikoni KËTU për tu bërë pjesë e kanalit të TV Prizreni në Youtube.
