Serbë të shumtë janë mbledhur sot në rrugën që çon drejt Leposaviqit.
Të njëjtit thuhet se janë mbledhur aty për të bllokuar qarkullimin duke kundërshtuar kështu ndërtimin e një baze të re kufitare.
Serbët raportohet se po qëndrojnë aty që nga mëngjesi i djeshëm, sepse nuk pajtohen me makineritë e rënda që janë dërguar aty për të zhvilluar punimet për ndërtimin e bazës së policisë kufitare të Kosovës.
Po ashtu ata kanë deklaruar se nuk janë të kënaqur vetëm me ndërprerjen e punimeve.
“Nuk mjafton që makineritë janë fikur dhe puna është ndalur. Ne duam që makineritë dhe pjesëtarët e Njësive Speciale të policisë të tërhiqen, që vendimi të anulohet dhe të na lënë të jetojmë të qetë siç kemi bërë, e kemi jetuar deri tani”, tha njëri nga serbët për KosovoOnline.
Situata në përgjithësi raportohet të jetë e qetë, ndërsa punimet janë ndërprerë deri në vendin e radhës nga autoritetet e Kosovës.
