Pas mbledhjes së Kryesisë, kryetari i AAK-së, Ramush Haradinaj ka kërkuar që të gjithë ata që kanë keqpërdorur vota të përfundojnë në burg.
Për këtë arsye, Haradinaj ka thënë se kërkojnë rinumërimin e plotë të votave.
Ai ka thënë se nuk e kontestojnë rezultatin e zgjedhjeve porse nuk sheh arsye që dikush të dalë kundër rinumërimit.
”Aleanca ka dalë në zgjedhje, ka pas një ofertë, nëse dikush ka interes me diskutu me ne jemi të hapur, ajo që dihet e që nuk na e merr askush, opozitë jemi edhe do të jemi në shërbim të vendit. Kemi dalë në zgjedhje me ofertë kemi po atë ofertë, nëse dikush kërkon partneritet me ne, nëse jo e ndihmojmë vendin nga pozicioni i opozitës”, ka thënë ai.
