KRU “Hidroregjioni Jugor” ka njoftuar se gjatë javës së kaluar janë zbuluar gjithsej 24 lidhje të paautorizuara të ujit në zonën e saj të shërbimit.
Nga këto raste, 21 janë evidentuar në Prizren, dy në Suharekë dhe një në Malishevë.
Sipas kompanisë, ekipet e saj do të vazhdojnë kontrollet në terren dhe ndërmarrjen e masave ndaj rasteve të lidhjeve të paautorizuara, me qëllim mbrojtjen e rrjetit të ujësjellësit dhe sigurimin e furnizimit të rregullt me ujë për të gjithë konsumatorët.
Rastet e shumta të lidhjeve ilegale në Prizren ngrejnë shqetësimin se një pjesë e konsumatorëve vazhdojnë ta keqpërdorin rrjetin e ujësjellësit, pavarësisht pasojave që kjo mund të ketë për furnizimin e qytetarëve të tjerë.
Pse të vidhet uji, kur një familje paguan mesatarisht rreth 12 deri në 16 euro në muaj për këtë shërbim? Keqpërdorimi i ujit jo vetëm që dëmton kompaninë e ujësjellësit, por mund t’ua pamundësojë konsumatorëve të tjerë furnizimin e rregullt me ujë të pijshëm – një nevojë elementare për çdo familje.
KRU “Hidroregjioni Jugor” ka paralajmëruar se kontrollet do të vazhdojnë në terren për të identifikuar dhe trajtuar rastet e lidhjeve të paautorizuara.
Klikoni KËTU për tu bërë pjesë e kanalit të TV Prizreni në Youtube.
