Një zyrtar policor është vetëplagosur aksidentalisht me armën e tij zyrtare në dorën e majtë.
Ngjarja ka ndodhur më 26 shkurt 2025 në Suharekë, ndërsa polici i lënduar ka marrë menjëherë ndihmën mjekësore.
- Reklama -
“Një polic aksidentalisht është plagosur në dorën e majtë me armën e tij zyrtare. Rasti ka ndodhur të mërkurën me datë 26.02.2025”, ka deklaruar për Telegrafin zëdhënësi i Policisë së Kosovës për Rajonin e Prizrenit, Shaqir Bytyqi.
Policit të lënduar i është dhënë ndihma mjekësore, derisa në vendin e ngjarjes kanë dalë Policia dhe komandanti i stacionit të Suharekës.
Për rastin janë njoftuar edhe Prokurori Kujdestar dhe Inspektorati Policor i Kosovës, ndërsa hetimet po vazhdojnë për të sqaruar rrethanat e incidentit./Telegrafi/
- Reklama -