Të enjten u mbajt takim iniciues me menaxherët e kontratave në Komunën e Prizrenit, ku u diskutua për çështjet dhe mangësitë e identifikuara gjatë auditimit të fundit, si dhe veprimet konkrete që duhet të ndërmerren për adresimin e tyre.
Me këtë rast kryetari i komunës, Shaqir Totaj, theksoi rëndësinë e përmirësimit të vazhdueshëm të proceseve të menaxhimit, mbikëqyrjes dhe administrimit të kontratave publike, me përgjegjësi më të madhe, transparencë dhe efikasitet institucional.
