Filmi kosovar “Pa Vend”, nuk arriti ta fitojë “Palmën e Artë” në Festivalin e Cannes.
Çmimin e mori filmi “All Crows in the World”, i regjisorit Tang Yi, në kategorinë e filmit të metrazhit të shkurtër. “Pa Vend”, nën regjinë e Samir Karahoës ka bërë histori, duke u dhënë në prestigjiozin Théâtre Claude Debussy”.
Filmi që ia kishte dalë të përzgjidhej në mesin e 3500 aplikimeve nga mbarë bota, sipas sinopsisit të afishuar në faqen e festivalit prestigjioz paraqet dramën që zë vend në Kosovën e pasluftës, “ku të shtyrë nga ambicia për të mbajtur gjallë sportin e tyre të zemrës, dy lojtarë lokalë enden nga një vend në tjetrin duke mbartur me vete të vetmen pasuri të klubit: tavolinat e tyre”.
